Monday, August 1, 2011

नवा वसा !!



नवा वसा घ्यायला हवा ..
नवा पसा द्यायला हवा ..
वेड भरल्या रोजनिशीला ..
नवा 'उद्या' द्यायला हवा ...!! १

नजर वेल्हाळ नवी काजळकोर ..
आली आहे माझ्या जगी..
आता पुन्हा नवा साखरखेळ
सुरु व्हायला हवा ..!!२

नव्या फुलांच्या ओंजळपरडीत ..
नवा सुगंध माळायला हवा ..
उन,पाऊस,थंडी झाले जुने ..
नवा ऋतू बहरायला हवा ..!!३

मुक्यानेच उत्तरलो काही बाही
रित्या केल्या शब्दाळ ओळी ,
इतिहास,भविष्य होतेच बरळायला..
त्यात आता अर्थही उतरायला हवा !!४


वळल्या गहन ललाट रेषा ..
अन पुजली ता-यांची भाषा..
देऊन सगळ्यावर फाटा ..
नवा भाग्योदय करायला हवा ..!!५
.
.

प्रलयगीत

 दिवस मोगरा होतो  रात्र सायली होते ,  तुझिया अस्तित्वाने  श्लोक-शायरी होते।  मी धुनी पेटवत असता तू यज्ञाचे मंतर गाते , मी अलख निरंजन म्हणतो ...