कॉफ़ी शॉप ४

त्याने ऑर्डर दिली टेबलावर बसता बसता,
एक कॉफी "Very Strong"!!.
तिला लगेच लक्षात आले ..
Something is Wrong!!

(लाडाने )काय झालं राजा ?
(ओरडून)ये तू आधी नावाने हाक मार ..
(मनात)हम्म ,जगाशी करायचं भांडण ..
अन इथे दाखवायचा धाक फार !

बरं सांग कुठून येतेय स्वारी ?
मंगल कार्यालय बुक करून..
अरे पैसे आले कुठून ..?
आणले कुठुनसे चोरून ....!!

बरं हनिमून चं काय करायचं ?
ते ही आहेच का ? त्याचं नंतर बघू ..
माझ्याकडे आहेत पैसे काही, मी टिकिट बुक करू ?
अगं पण त्यापेक्षा हनिमून नंतर करू ..!!

बरं बरं ,घराचं बघितलं ? कुठे रहायचं ?
बघू ..कुठेतरी adjust करू ..
माझ्या मावशीचं आहे घर ..
अगं पण थोडा धीर धर..!

किती लोकांना बोलवायचे लग्नात..?
आमच्याकडचे नाही येणार फ़ार..!
पण मी बोलवणार आहे सा-यांना..
हम्म तुझं काय ?? तु बोलवशील आकाशातल्या ता-यांना...!

वेलंटाईन डेला, हेच तर वचन दिलं होतं
आणि आठवतं आपलं काय काय ठरलं होतं ..?
हो हो विसरेन कसा ..??
त्या दिवशी तर सगळं घडलं होतं !!

तु दिलं होतं वचन..चंद्र तारे तोडायचं,
हो , तेव्हा नव्हतं टेन्शन , संसारगाडा ओढायंच!!
संसार ? तो तर व्हायचा आहे सुरु....
पण तू सोबत असशील तर तोही नीट करू..!!

’नीट’ चा अर्थ ग काय?
मी किती तुझं मन मारु?
उधळलेला हा महागाईचा वारु..
कळत नाही कसा आवरु?

अरे वेडोबा , इतक्यात थकलास ?
आता तर सुरु होतंय सारं..
तुझी माझी ओंजळ सोबत धरता,
त्यात मावेल अवकाश सारं...!!

तीने त्याचा हात धरला बिनधास्त..
त्याचे आसु लागले ओघळू..
तो शांत झाला हळु हळु..
अन कॉफ़ीत साखर लागली विरघळु..!!

स्ट्रॉंग कॉफ़ीचे घोट घेता घेता..
तो माइल्ड कधी झाला कळलेच नाही..
तो आणि ती निरागस हसत होते आता,
जसे काही घडलेच नाही..!

वेटरकाका कोल्ड कॉफ़ी ठेवत म्हणाले,
"पोरांनो नेहमी असेच रहा, be like a child"
and enjoy the life with coffee,
कधी strong कधी mild....!!

तीचा भास होता अजून ठोका चुकतोच न?

तीचा भास होता अजून ठोका चुकतोच न?

आणि आत कुठेतरी एक झोका झुलतोच ना ?

फुग्यांच्या लाल रंगास हसलो उगाच जरी ..

ती आठवता मनी तसा गुलाब फुलतोच ना ?

ओठांत डकवले तुफान हास्य चार जणांत

तरीही एकांतात 'तो' काटा सलतोच ना ?

झटकला विचार कधी जरी उगाच क्षणभर ..

तरी इतर क्षणात तो विचार उरतोच ना ?

विनायक

कवी व्हायला असं लागतंच काय ..?

छोटीसी बाग ..
कौलारू घर ..
अन प्राजक्तसडा बाग भर ..!!

जोराचा पाउस ..
दोस्तांची जोडी..
अन जोडीने सोडलेली होडी..!!

कवी व्हायला असं लागतंच काय ..?

निळा समुद्र ..
हिरवी जमीन ..
अन गुलाबी मैत्रीण ..!!

झालेली पुनर्भेट..
न झालेला समेट..
अन एक कटाक्ष तिचा थेट..!!

कवी व्हायला असं लागतंच काय?

स्वच्छ हाथ ..
नशिबाची एक रेघ..
अन हातात नसलेला नशिबाचा वेग,,!!


परतीचा प्रवास..
रात्रीची वेळ..
अन अचानक सुचलेली ओळ ..!!

कवी व्हायला असं लागतंच काय?

कटू सत्य..
बाहेरचं वास्तव ..
अन आत भडकलेला विस्तव ..

पोखरलेला समाज..
सात्विक संताप..
अन आपल्याच लोकांचे प्रताप..!!
.
.
विनायक