Wednesday, May 11, 2011

मिठीसाठी..

देवा,तिला एकदा मिठीत आणून देशील?
किंवा तिनेच मारावी मिठी असे काही करशील..?
म्हणजे बघ..

ऑफिस तिचं जरा उशिरा सुटू दे..अन माझं जरा लवकर..
बॉस तिच्यावर चिडू दे ..अन झापू दे तासभर..
अन ऑफिस खाली उतरताच मी दिसावा गाडीवर..!!

अन बघ असं कर..
उगाच अचानक पाऊस पाड...गर गर वाऱ्यासोबत..
त्यात उगाच एक वीज पाड .. कड कड ढगासोबत ..
सगळीकडे अंधार कर तेव्हाच..एका चुकीच्या वळणासोबत.!!

किंवा मग असं कर..
एखादा पदार्थ तिचा चांगला बनू दे..
सहज एखादी तिला कविता सुचू दे..
"जमून आलंय सारं" हे सांगण मला जमू दे..!!

अन असं झालं तरी चालेल..
टीव्ही वर आंधी लागू दे..
अन ते "जी मी आता है...." वालं कडवं..
अन तिरक्या नजरेने मी फक्त बघावं....

देवा, तू फक्त एवढंच जमवून देतो ?
बाकी मिठीच मी बघून घेतो..!!!
विनायक..

2 comments:

  1. विनायका 'जमून आलय रे सारं'...
    ही ऐकलो नव्हतो...
    हे फार touchy आहे
    "
    ऑफिस तिचं जरा उशिरा सुटू दे..अन माझं जरा लवकर..
    बॉस तिच्यावर चिडू दे ..अन झापू दे तासभर..
    अन ऑफिस खाली उतरताच मी दिसावा गाडीवर..!!
    "

    ReplyDelete

गोष्ट असेल छोटीशी ..

गोष्ट असेल छोटीशी .. पण त्याचीही कथा करतील.. तु सुस्कारे सोडशील साधे.. लोक त्याचीही गाथा करतील ..१ शिस्तभंगाचे कलम लागेल तुझ्या बटांना ......