जरी रुक्मिणी रोज शयनात आहे ..
तरी राधिका नित्य ह्रुदयात आहे..!!
जरी जाहली विद्ध निर्वस्त्र कृष्णे,
परी नागडा मीच पदरात आहे..!!
जरी त्यागली बासरी मीच राधे,,
सुरांचा वसा खोल गगनात आहे,,!!
जरी संपली संतती आज कृष्णे,
तुझा वंश माझ्याच उदरात आहे..!!
न झाला जरी संग राधे तनांचा
खरे भेटणे आर्त विरहात आहे ..!!
जरी घेतली वाटुनी पूर्ण कृष्णे ..
तुझा मृत्यु अतृप्त जगण्यात आहे ..!!
विनायक
११-११-११
No comments:
Post a Comment